Support Assistance on the Establishment and Operation of Filipino Australian School
Kanhi mayor sa Naga City gitudlo nga bag-ong DILG Secretary
Ang kanhi mayor sa Naga City nga si Jesse M. Robredo gitudlo gahapong adlawa ni Presidente Benigno C. Aquino III nga bag-ong secretary sa Department of the Interior and Local Government (DILG).
Ang pagtudlo ni Secretary Robredo ngadto sa maong posisyon nag putod sa kakulba-hinam kung kinsagayod ang ibutang ni Presidente Aquino ngadto sa DILG.
Ang appointment ni Robredo komo secretary sa DILG hapit na mag kompleto sa Cabinete in Presidente Aquino, gawas lamang sa Office of the Press Secretary nga iyang gi-hanatan nga i-reorganize ug hinganlan na nga Presidential Communications Office.
Si Robredo maoy una nga Filipino Mayor nga nakadawat sa Ramon Magsaysay Award alang sa Government Service Niadtong tuig 2000.
Siya napili nga mayor sa Naga City niadtong tuig 1988 sa panuigon nga 29 anyos, ug kini naghimo kaniya nga kinabataang city mayor sa iyang panahon.
Ubos sa iyang pag pagpngulo isip mayor sa maong syudad, ang Naga City mao'y napili nga usa sa mga "most improved cities in Asia" nga gipasiugdahan sa Asiaweek Magazine niadtong tuig 1999.
Diha sa tuig 1995, siya napili nga presidente sa League of Cities of the Philippines, usa ka asosasyon sa mga city mayors sa nasud Pilipinas.
Si Robredo nag estudyo sa iyang undergraduate degree sa Industrial Management Engineering ug Mechanical Engineering courses sa De La Salle University.
Siya usa ka Edward Mason Fellow ug gradwado sa Masters in Public Administration sa John F. Kennedy School of Government, Harvard University sa Cambridge, Massachussets niadtong tuig 1999.
Sa tuig 1985, si Sec. Robredo naghuman sa iyang masters in Business Administration sa UP Diliman komo scholar ug siya gitudlo nga Graduate School and Faculty Organization awardee for scholarly excellence.
Diha sa iyang pagbalik ngadto sa Naga City niadtong tuig 1986, siya natudlo nga Program Director sa Bicol River Basin Development Program, usa nga ahensya nga may katungdanan sa pagpahigayon ug integrated development planning sa rehiyon.
Gawas lamang sa 2000 Ramon Magsaysay Award for government service, si Robredo nakadawat usab ug mokabat sa 20 ka mga awards sa tibuok niyang kinabuhi nga nagalakip sa: 1998 Konrad Adenauer Medal of Excellence as Most Outstanding City Mayor of the Philippines; sa tuig 1996 mao ang Outstanding Young Persons of the World Award; sa tuig 1990 mao ang Ten Outstanding Young Men of the Philippines (TOYM) Award ug ang kinaunahan nga Dangal ng Bayan Award sa Civil Service Commission.
Diha sa Marso, 2009 siya gitagaan sa ug Honorary Doctor of Humanities degree sa Far Eastern University didto sa Manila. (trans PIA-Biliran/flor Jackson, 10 July) [